لكل مين بيحب قراءة الخواطر باللبناني المحكي
يمكن انا بعينيكي حلم
تعلّئتي بها الدنيي فيه
بس انت يكون عندك علم
قلبي من جوّا بعطيه
تشوف البسمة بعيونك
وآخذ منك دمع جفونك
وتبقى دنياكي افراح
وما يبقى عندك في جراح
يتعبى قلبك سلام
وتتحقق كل الاحلام
تا شوفك انا من بعيد
وقلبي يفرح من جديد
مع كل التعب والهم
وتكبرتي مر منها سنين
بنظرة منك بنسى الغم
وبشعر بقلبي حنين
ليوم لحملوني ياكي
وصرتي بها الدنيي ملاكي
وشو معنى العيشة بلاكي
بيمشي العمر وخلفوا سنين
هيي وبعز الشباب
ملاك بيوقف عالباب
بخوف بتسأل شو الأسباب
قلا رح يجي ولد
أهلا وسهلا بالولاد
وعجئا حلوة بالأعياد
هل هني ولاد الأسياد؟
او حدا من غير بلد؟
قلا الولد منك جايي
وجايي تيخبّر الحكاية
قصة الله من البداية
تينفذ يلي وعد
كيف رح يحصل المنقول؟
!هالأمر مش شئ معقول
شو بيتوقع من بتول
ما عرفت رجل ابد
روح الله نازل عليكي
وهوي اللي ماسك اديكي
مدبر الأمر حواليكي
تيجي ابن الأسد
يسوع رح تسميه
ومحبة أم رح تعطيه
ويوسف الله رح يهديه
رسالة من عندوا اخذ
مريم ويوسف طاعوا
بقلب القانع وما ارتاعوا
وولد البكر وما ذاعوا
حتى ما يعرف احد
لكن الله بوقتوا ذاع
وخَبَر هاك النجمة شاع
علما الفلك شافوا شعاع
والخبر بحضورن ورد
وملاك ظهر بالحقول
ورعاة اخدا الذهول
المسيح اجا!”, صار يقول”
بهاك المذود هوي نولد
وهيك الخيرية شاعت
الله معنا” الكلمة ذاعت”
ومريم بقلبها ما ارتاعت
لرسالة حق ابنها نوجد