لكل مين بيحب قراءة الخواطر باللبناني المحكي
بصرخ صرخة من القلب
عن شعب عمروا ما نحب
لا من جيرة ولا اخوان
وفوقا الطاغي زاد النهب
دور المعطي مثّلوا
ودور مواسي منيح لبسوا
وكل ضربة ورا ضربة
لهاللبناني لبّسوا
مش طالب هالشعب محبة
وما اختار هوي هالنكبة
بدوا الفارض نفسوا يفل
والجلاد عنّو يحل
مطلب اللبناني هيّن
يرجّع دولة دورا مبيّن
تحترم روح الانسان
وشعبا يرجع بالحسبان
ليش الأمل بالتغيير
مع الوقت صار ضئيل؟
وهاللبناني صار اسير
لعبة روئسا وكم عميل
ليش البطالة شاعت؟
وشركات البلد بادت
ومات الأمل بالتغيير
من قِبَل هاك الفقير
العمالة الهيئة زادت
وزعران الزعما سادت
والصرخة بقوة نادت
تترجّع وطن كسير
مستقبل غامض مجهول
وللعملة ما بقى سيول
وللعيشة خف الميول
وطار الأمل بالتغيير
كيف الشعب بدوا يعيش؟
ويدفع للحاكم بخشيش
حتى الشغل انسرق منوا
وهيك الأمل رحل عنوا
الشعب تعب من وعود
وصار بدوا شي حل يسود
تيحقق هدف بسيط
العيش الهني بالتقسيط
صار راضي بأمل واهن
تيغير وضعوا الراهن
طالب زعما شرفا بحق
بركي بوكرا بنوروا شق
ورجّع أمل بالتغيير