خواطر

شو عملت يا لبناني هالوطن صار ضهروا حاني من الويلات والكربات صار وضعوا اللبناني فاني لا في امل ولا في حلول لا ضمير ولا مسؤول الكل ترك هيدا الشعب وحدوا يمشي عالمجهول

كيف من رجّع الامل لشعب من زعما انخذل ومن السلطة هوي انفشل بس بعدوا فيهن ولهان؟

بصرخ صرخة من القلب عن شعب عمروا ما نحب لا من جيرة ولا اخوان وفوقا الطاغي زاد النهب دور المعطي مثّلوا ودور مواسي منيح لبسوا وكل ضربة ورا ضربة لهاللبناني لبّسوا

يمكن انا بعنيكي حلم تعلّئتي بها الدنيي فيه بس انت يكون عندك علم قلبي من جوّا بعطيه تشوف البسمة بعيونك وآخذ منك دمع جفونك وتبقى دنياكي افراح وما يبقى عندك في جراح

ليش الأمل بالتغيير مع الوقت صار ضئيل؟ وهاللبناني صار اسير لعبة روئسا وكم عميل ليش البطالة شاعت؟ وشركات البلد بادت ومات الأمل بالتغيير من قِبَل هاك الفقير

هيي وبعز الشباب ملاك بيوقف عالباب بخوف بتسأل شو الأسباب قلا رح يجي ولد أهلا وسهلا بالولاد وعجئا حلوة بالأعياد هل هني ولاد الأسياد؟ او حدا من غير بلد؟

سمعت قصة هاك اليوم عن لبناني طالب حقوا هم الأمن براسوا دوم وعِبئ الفوضى ماسك قلبوا مش طالب الا يرتاح وياخذ حقوا بلقمة عيش فلوسوا الي جابا بكفاح عملة نادرة صارت، ليش؟

الشعب اللبناني مظلوم            الله يفرُج اياموا من كل الاقليم محكوم           دول بتصدر احكاموا هالشعب من سنين مهموم            حكم السارق قداموا ساكت وحقوا مهضوم            الغير بياخد اياموا

بحلم يجي هاك اليوم وتتغير كل الأوضاع القانون يتطبق دوم ويرجع لبنان اللي ضاع

تعبت هالكاميرا قصص من مجتمع بالحق مريض وجربت تبحث عن فرص تتنقل خبر فريد

مش عم بفهم فوضى هالايام المش عارف شو بدّو كيفو تمام والوعي ومتعلّم عليه السلام صار لعالم متهور… اسير.

كان الوقت وقتا يمر وما نفكر انو هالعمر عم يمشي متل لعا جمر بسرعة مرىء هالزمان